Կինոսերների մեծ մասը Մեթյու Մակքոնահիին ամենաշատը սիրում է «Իսկական դետեկտիվ» սերիալի առաջին սեզոնում Ռաստ Քոուլի դերի համար: Բայց ֆիլմերում նույնպես դերասանը հիշարժան կերպարներ ունի. նրա ծննդյան 53-ամյակի առթիվ եկեք վերհիշենք լավագույնները․
1. Ուոլ Սթրիթի Գայլը / The Wolf of Wall Street, 2013
«Ուոլ Սթրիթի գայլը» ապացույցն է այն բանի, որ Մակքոնահին կարող է նույնիսկ փոքրիկ դերը վերածել գլուխգործոցի։ Մարտին Սկորսեզեի երեք ժամ տևողությամբ ֆիլմում նա հայտնվում է ընդամենը մի քանի րոպեով, բայց դրանք թերևս ամենահիշարժան րոպեներն են։
2. Վարձու մարդասպան Ջոն / Killer Joe, 2011
Թրեյսի Լեթսի համանուն պիեսի ադապտացիան դիտելուց հետո առանց զզվանքի չես նայի տապակած հավին: Ուիլյամ Ֆրիդկինի քրեական թրիլլերում Մակքոնահին մարմնավորում է կեղտոտ ոստիկան Ջո Կուպերին, որը պատվերով սպանություններ է իրականացնում:
3. Կապ / Contact, 1997
.jpg)
Ռոբերտ Զեմեկիսի այս խճճված գիտաֆանտաստիկ ֆիլմում (հիմնված Կարլ Սագանի համանուն վեպի վրա) Մեթյու Մակքոնահին մարմնավորում է հավատարիմ քարոզչի և փիլիսոփայի: Նա այն քչերից է, որը հավատում է Ջոդի Ֆոսթերի մարմնավորած հերոսուհուն՝ համոզված լինելով, որ մենք միայնակ չենք տիեզերքում։
4. Միայնակ աստղ / Lone Star, 1996
![Lone Star [1996] Review – A Powerfully Tangled Drama on the Onerous Burden of Shared Personal History - High On Films](https://www.highonfilms.com/wp-content/uploads/2019/07/Lone-Star-highonfilms.jpg)
Փոքր քաղաքի շերիֆը (Քրիս Կուպեր) հետաքննում է 40 տարի առաջ տեղի ունեցած սպանությունը։ Փորձելով պարզել, թե ինչ է տեղի ունեցել, նա իմանում է իր հայրենի քաղաքի մութ գաղտնիքները, այդ թվում՝ կապված իր հոր՝ նախկին շերիֆի հետ:
5. Անառակություն / Frailty, 2001
Մակքոնահին մարմնավորում է ոչ հավասարակշռված երիտասարդի, որը գալիս է ՀԴԲ գործակալի մոտ և պատմում, որ իր կրտսեր եղբայրը հետախուզվող սերիական մարդասպան է, որը շարունակում է իրենց խելացնոր հոր «առաքելությունը»։ Սյուժեն ծավալվում է գոթական անհանգստացնող պատմության շուրջ, որի ռեժիսորն է Բիլ Փեքսթոնը:
6. Ինչպես կորցնել ընկերոջը 10 օրում / How to Lose a Guy in 10 Days, 2003
Մակքոնահին 2000-ականներին շատ ժամանակ է հատկացրել ռոմանտիկ կատակերգություններում տղամարդու գլխավոր դերերին՝ այնքան, որ հնարավոր չէ դրանց կողքով անտարբեր անցնել։ Այս ֆիլմում դերասանը հանդես է գալիս որպես գովազդային գործակալ, որը խաղեր է խաղում Քեյթ Հադսոնի կերտած հերոսուհու հետ և չի կարողանում հեռանալ նրանից՝ չնայած նրանից ազատվելու աղջկա բոլոր փորձերին։
7. Սպանելու ժամանակն է / A Time to Kill, 1996
Փաստաբան Ջեյք Բրիգենսի դերում Մակքոնահին ներկայացնում է սևամորթ տղամարդու շահերը, որը սպանել է երկու սպիտակամորթ տղամարդկանց, որոնք բռնաբարել են իր դստերը: Ջոն Գրիշեմի համանուն վեպի հիման վրա նկարահանված ֆիլմում դերասանը ցուցադրում է իր կարողությունները դատարանի դահլիճում, երբ կրակոտ ելույթի օգնությամբ իրենով է անում ժյուրիին։
8. Սուպեր Մայք / Magic Mike, 2012
Սթիվեն Սոդեբերգի դրամայում դերասանը մարմնավորում է տղամարդկանց ստրիպտիզ ակումբի տիրոջը, որտեղ ելույթ է ունենում Մայքը (Չենինգ Տատում):
9. Գնորդների դալլասյան ակումբը / Dallas Buyers Club, 2013
Տեխասից էլեկտրիկ Ռոն Վուդրուֆի դերի համար, ում մոտ ախտորոշվել էր ՁԻԱՀ, Մակքոնահին «Օսկար» է ստացել «Լավագույն դերասան» անվանակարգում։ Հրաժարվելով համակերպվել մահացու հիվանդության հետ և տեսնելով, որ պետությունն աչք է փակում խնդրի վրա՝ Վուդրուֆը հիմնում է դեղամիջոցների ընդհատակյա բաշխում։ «Գնորդների դալլասյան ակումբը» նկարահանվել է «Ուոլ Սթրիթի գայլը» ֆիլմում հիշարժան դերից անմիջապես հետո. մամուլը նկատել է դերասանի «վերածնունդը» և այն անվանել «մակքոնեսանս»։
10. Շշմած ու շփոթված / Dazed and Confused, 1993
Ռիչարդ Լինկլեյթերի գլուխգործոցը մեզ ծանոթացրել է հոլիվուդյան շատ զարմանահրաշ դերասանների հետ, բայց լավագույն դերն այս ֆիլմում բաժին է հասել Մեթյու Մակքոնահիին: Դերասանը մարմնավորում է Դեյվիդ Վուդերսոնին՝ 20-ամյա անհաջողակի, որը դեռ ժամանակ է անցկացնում դպրոցականների հետ։ Նրա կերպարն ասում է կինոյի պատմության ամենահայտնի արտահայտություններից մեկը. «Պարզապես շարունակի՛ր ապրել, տղա, Ա-Պ-Ր-Ե՛-Լ»։
