Երկու «Օսկար», վեց «Ոսկե գլոբուս» և «Էմմի» մրցանակակիր Մայքլ Դուգլասը համբավ ձեռք բերեց տեսուչ Սթիվ Քելլերի դերով «Սան Ֆրանցիսկոյի փողոցները» (1972-1976) հեռուստասերիալում։ Հետո Մայքլը որոշեց փորձել իրեն պրոդյուսերական ոլորտում՝ համոզելով հորը՝ լեգենդար Քըրք Դուգլասին, որ իրեն թույլ տա էկրանավորել Քեն Քիզիի «Թռիչք կկվի բնի վրայով» վեպը։ Արդյունքում ֆիլմն ամերիկյան կինոակադեմիայի կողմից ստացավ 5 օսկար․ լավագույն ֆիլմ (Դուգլասը, որպես պրոդյուսեր, այսպիսով ստացել է իր առաջին Օսկարը), լավագույն ռեժիսոր ( ֆիլմի ռեժիսոր Միլոշ Ֆորման ), լավագույն դերասան ( Ջեք Նիկոլսոն ), լավագույն դերասանուհի ( Լուիզ Ֆլետչեր ) և լավագույն ադապտացված սցենար:
1980-ին Դուգլասը քիչ էր մնում մահանար դահուկներով սահելիս և հեռանար կինոյից, բայց 1984-ին, ոգեշնչված Ինդիանա Ջոնսի ֆիլմերի հաջողությունից, նա վերադարձավ՝ խաղալով գլխավոր դերը «Romancing the Stone» մարտաֆիլմում, իսկ հետո «Նեղոսի գոհարը» ֆիլմի շարունակությունում: Այնուհետև Դուգլասը խաղաց կինոյում իր թերևս ամենակարևոր դերերից երեքը․ Ադրիան Լայնի «Ճակատագրական գրավչություն», Օլիվեր Սթոունի «Ուոլ Սթրիթ» (Մայքլի առաջին և առայժմ միակ դերասանական Օսկարը) և Դենի ԴեՎիտոյի «Վարդերի պատերազմը»։ 2013 թվականին Դուգլասը մեծ աղմուկ բարձրացրեց՝ շահելով «Էմմի», «Ոսկե գլոբուս» և «Էկրանային դերասանների գիլդիայի» մրցանակ՝ Սթիվեն Սոդերբերգի «Կանդելաբրայի հետևում» կենսագրական ֆիլմում դաշնակահար Լիբերաչեի դերի համար :
Ներկայացնում ենք վեց հետաքրքիր փաստ նրա կարիերայի և անձնական կյանքի մասին։
-
Դուգլասը սկսել է իր կարիերան որպես սուրճ պատրաստող տղա կինոթատրոնում, ինչպես նաև եղել է խմբագրի և ռեժիսորի օգնական: Նրա հայրը պնդում էր, որ 25-ից հետո պետք է իսկական կարիերա կառուցել, և որ նախ պետք է «կարծրանալ»։
-
Մայքլ Դուգլասն այն դերասաններից է, որ նույն աշխատանքի համար կարողացել է ստանալ և՛ մրցանակ, և՛ հակամրցանակ։ 1992 թվականին «Հիմնական բնազդ» ֆիլմում իր դերի համար նախ արժանացել է MTV կինոմրցանակի, իսկ հետո՝ «Ոսկե ազնվամորի»։ Այնուամենայնիվ, ժողովուրդը դեռ սիրում է Դուգլասի և Շերոն Սթոունի էկրանային դուետը։
-
Դուգլասը մի քանի անգամ հազիվ փրկվել է մահանալուց: 1980 թվականին զառիթափ լանջով դահուկներով իջնելիս նա կորցրել է վերահսկողությունը մեկ այլ շրջադարձի վրա և ընկել՝ վնասելով մեջքը։ Վերականգնումը տևել է երեք տարի, որի ընթացքում Մայքլը բառացիորեն նորից սովորել է քայլել։ Այնուհետև նա բուժվել է ալկոհոլային կախվածությունից, իսկ 2010 թվականի օգոստոսին դերասանի մոտ ախտորոշվել է կոկորդի քաղցկեղ: Բայց այստեղ էլ Դուգլասը ցույց է տվել, որ պատրաստ է ցանկացած իրավիճակում պայքարել կյանքի համար։ Ընդամենը մեկ տարի անց նա պաշտոնապես հայտարարեց, որ կարողացել է հաղթահարել հիվանդությունը։
