Մարտին Սկորսեզեի նոր ֆիլմը՝ «Ծաղկի լուսնի սպանողները», կլինի կինոգործչի կարիերայում երկրորդ ամենաերկարատև ֆիլմը, գրում է Deadline-ը:
Ֆիլմը կտևի 3 ժամ 26 րոպե՝ երեք րոպե պակաս ռեժիսորի նախավերջին և ամենաերկար՝ «Իռլանդացին» ֆիլմից. քրեական դրամա, որը թողարկվել է Netflix-ում 2019 թվականին։
Ֆիլմում նկարահանվել են Լեոնարդո Դի Կապրիոն, Ռոբերտ Դե Նիրոն, Բրենդան Ֆրեյզերը, Ջեսի Պլեմոնսը և Լիլի Գլեդսթոունը։ Սցենարը հիմնված է լրագրող Դեյվիդ Գրանի համանուն գրքի վրա։
Սյուժեում գործողությունները տեղի են ունենում 1920-ականների Օկլահոմայում. ինչ-որ մեկը սկսում է սպանել բնիկ ամերիկացիներին մի բնակավայրում, որտեղ նավթի հանք է հայտնաբերվել, և Հետաքննությունների դաշնային բյուրոն ստանձնում է հետաքննությունը:
Ավելի վաղ Լեոնարդո Դի Կապրիոն «գլուխգործոց» է անվանել Սկորսեզեի նոր ֆիլմը։
«Ծաղկի լուսնի սպանողները» ֆիլմի պրեմիերան տեղի կունենա մայիսին՝ Կաննի կինոփառատոնում:
