Լոնդոնի Here At Outernet համերգասրահում կայացել է նախաեվրատեսիլյան միջոցառում: Երեկույթի հյուրերն են եղել «Եվրատեսիլ 2023»-ի և «Եվրատեսիլ 2019»-ի Մեծ Բրիտանիայի պատվիրակներ UNIQU3 խումբն ու Մայքլ Ռայսը, «Եվրատեսիլ 2014»-ում Ավստրիան ներկայացնող Կոնչիտա Վուրստը, «Եվրատեսիլ 2019»-ի Նորվեգիայի ներկայացուցիչ Կեյինոն և «Եվրատեսիլ 2022»-ի Հայաստանի մասնակից Ռոզա Լինը: Հայ երգչուհին կատարել է եվրատեսիլյան իր «Snap» երգը: Հանդիսատեսը Ռոզային դիմավորել է ծափահարություններով՝ ամբողջ երգի ընթացքում ձայնակցելով երգչուհուն:

