Նոյեմբերի 7-ին, հայ բեմի և էկրանի սիրելի դերասանուհի Ջուլիետա Ստեփանյանը նշեց 74-ամյակը։

Գյումրիում ծնված Ստեփանյանը բեմ է բարձրացել դեռ երիտասարդ տարիքում՝ ավարտելով Երևանի գեղարվեստա-թատերական ինստիտուտը։ Նա երկար տարիներ աշխատել է Ստեփանակերտի, Վանաձորի, ապա նաև Սունդուկյանի և Պարոնյանի թատրոններում՝ ստեղծելով տասնյակ հիշարժան կերպարներ։

1991-ին նա արժանացել է Հայաստանի վաստակավոր արտիստի կոչմանը։

Այսօր էլ Ջուլիետա Ստեփանյանը շարունակում է ակտիվ գործունեություն ծավալել արվեստում՝ մասնակցելով նոր նախագծերի և հետևելով թատերական կյանքի զարգացումներին։