Արդյունքում Դոնալդը նրան տվել է իր բոլոր հեռախոսների համարները՝ գրասենյակի, Մար-ա-Լագոյի նստավայրի, Նյու Յորքի տան:

Մի քանի օր անց ապագա տիկին Թրամփը զանգահարել է գործարարին։ Եվ շուտով նրանք սկսել են հանդիպել։ Մեկ տարի անց Թրամփը վերջնականապես ավարտել է իր ամուսնալուծությունը երկրորդ կնոջից՝ Մարլա Մեյփլսից։

2000 թվականին կարծես թե նրանց  հարաբերությունները սպառնալիքի տակ էին։ Դա այն ժամանակ էր, երբ Թրամփը որոշեց առաջին անգամ գնալ քաղաքականություն, և Մելանիային դա կարծես բոլորովին դուր չեկավ: Նրանք բաժանվեցին։ Բայց երբ Դոնալդը հրաժարվեց Բարեփոխումների կուսակցության թեկնածու առաջադրվելու ծրագրերից, զույգը վերամիավորվեց:

2004 թվականին Մելանիան և Դոնալդը հայտնվեցին Met Gala-ին և հենց այնտեղ էլ միլիարդատերն ամուսնության առաջարկ արեց մոդելին։ Ինչ-որ պահի գեղեցկուհու մատին փայլեց պատվերով պատրաստված Graff մատանին՝ 15 կարատանոց ադամանդով: Ապրանքանիշի ներկայացուցիչները պնդում էին, որ մագնատը վճարել է ամբողջ գինը՝ 1,5 միլիոն դոլար։ Ճիշտ է, ինքը՝ Թրամփը, 2005-ին ասել էր, որ գովազդի դիմաց միլիոնավոր զեղչ է ստացել։ Մատանու, ինչպես նաև հենց զույգի նկատմամբ ուշադրությունն, իհարկե, այդ երեկո ավելացավ։