Marvel Studios-ը հրապարակել է Ռայան Քուգլերի «Սև հովազ. ընդմիշտ Վականդա» («Black Panther: Wakanda Forever») ֆիլմի նոր թրեյլերը, որը 2018 թվականի «Սև հովազ» ֆիլմի շարունակությունն է: Տեսանյութը հասանելի է ընկերության յութուբյան ալիքում։
Ֆիլմի սյուժեն կպտտվի Սև հովազի՝ Թ'Չալլա թագավորի մահից հետո Վականդայի առաջնորդների՝ երկիրը արտաքին զավթիչներից պաշտպանելու փորձերի շուրջը: Վականդայի գլխին կախված սպառնալիքներից մեկը կլինի ստորջրյա Թալոկան քաղաքը:
Ֆիլմը կլինի ֆրանշիզի 30-րդ լիամետրաժը և կավարտի Marvel Cinematic Universe-ի չորրորդ փուլը։ Այն կներկայացնի նոր հերոսուհու՝ Ռիրի Ուիլյամսին, փայլուն գյուտարար և մետաղական զրահներ ստեղծող, որը չի զիջում Թոնի Սթարքի աշխատանքներին:
«Սև հովազ. ընդմիշտ Վականդա»-ն կթողարկվի նոյեմբերի 11-ին:
