Վլադիմիր Պուտինը ծնվել է 1952 թվականի հոկտեմբերի 7-ին, Լենինգրադում, Հայրենական մեծ պատերազմի մասնակից Վլադիմիր և Մարիա Պուտինների ընտանիքում: Ապագա նախագահը երեք երեխաներից ամենափոքրն էր: Պուտինի երկու եղբայրները`Վիկտորը և Ալբերտը, մահացել են մանկության շրջանում:
Վլադիմիր Պուտինի մանկությունն անցել է Բասկերի նրբանցքում գտնվող կոմունալ բնակարանի մի փոքրիկ սենյակում: Մի առիթով Պուտինը խոստովանել է, որ հիշում է մուտքի մոտ որս անող հսկայական առնետներին:
Պուտինի պապը ՝ Սպիրիդոն Իվանովիչը, հայտնի խոհարար էր, նա աշխատում էր Լենինի ամառանոցում, բացի այդ, Սպիրիդոն Իվանովիչը բախտ է ունեցել կերակուր պատրաստել նաև Ստալինի համար:
Վլադիմիր Պուտինի մայրը ՝ Մարիա Իվանովնա Շելոմովան, աշխատում էր գործարանում, նա վերապրել է Լենինգրադի շրջափակումն ու պարգևատրվել է «Լենինգրադի պաշտպանության համար» մեդալով:
Դպրոցական տարիներին Պուտինը «սովորող երեխա» էր, սակայն ճշգրիտ գիտությունները նրան բարդությամբ էին տրվում. հանրահաշվից, երկրաչափությունից, ֆիզիկայից և քիմիայից նա, սովորաբար, 3-ներ էր ստանում:
Ճշգրիտ գիտությունների մեջ անհաջողություններին փոխարինելու էին գալիս հաջողությունները՝ սպորտի ոլորտում: Վլադիմիրը բազմիցս մասնակցել է ձյուդոյի խոշոր մրցումներին և արժանացել մրցանակների: Այսպիսով, 18 տարեկանում նա ստացել է «սև գոտի» իսկ հետագայում դարձել սպորտի վարպետ:
Հետախույզների մասին սովետական ֆիլմեր դիտելը Վլադիմիր Պուտինի հիմնական ու ամենասիրելի զբաղմունքն էր: Այդպիսով ձևավորվեց նաև նրա մանկության երազանքը, որն էր՝ լավ հետախույզ դառնալը: Միջնակարգ դպրոցը ավարտելուց հետո Պուտինը ընդունվեց Լենինգրադի պետական համալսարանի իրավաբանական ֆակուլտետի միջազգային հարաբերությունների բաժինը: 1975-ին, ստանալով ավարտական դիպլոմ, նա միացավ ԿԳԲ-ին ու իրանականացրեց իր երազանքը:
1997-ին Պուտինը պաշտպանեց իր ատենախոսությունը և դարձավ տնտեսագիտական գիտությունների թեկնածու: Այնուամենայնիվ, 2005-ին կային հրապարակումներ, որոնք մեղադրում էին Պուտինին գրագողության մեջ: Ըստ երևույթին, նա իր գիտական աշխատության մեջ օգտագործել է ամերիկացի դասախոսների հոդվածից տեքստեր և գաղափարներ:
1983-ի հուլիսի 28-ին 30-ամյա Վլադիմիր Պուտինն ամուսնացավ 25-ամյա Լյուդմիլա Շկրեբնևայի հետ: Նրանց ծանոթացրել էր ընդհանուր ընկերներից մեկը, երբ Լյուդմիլան աշխատում էր բորտուղեկցորդուհի և ընկերուհու հետ ժամանել էր Լենինգրադ՝ երեք օրով: Նրանց սիրո պատմության հիման վրա է նկարահանվել « Համբույրը մամուլի համար » ֆիլմը:
Վլադիմիր Վլադիմիրովիչի խոսքերով, 90-ական թվականներին նա պառկում էր քնելու՝ ձեռքի տակ ատրճանակ ունենալով. այդպիսին էր ժամանակի թելադրանքը:
Պուտինը նաև կարողանում է դաշնամուր նվագել, նրա սիրած երգերից մեկը է «Որտեղի՞ց է սկսվում հայրենիքը» ստեղծագործությունը:
Ռուսաստանի Դաշնության նախագահի պաշտոնում՝ Պուտինն իր առաջին արտասահմանյան ուղևորությունը կատարեց 2000 թվականի ապրիլին. նա մեկնեց Բելառուս: Ամենից հաճախ պաշտոական այցերով նա մեկնել է Ղազախստան ՝ 24 անգամ:
2007-ին ամերիկյան «Time» ամսագիրը Պուտինին տվեց «Տարվա մարդ» կոչումը:
Ռուսաստանում Նախագահի անունով առնվազն երեք փողոց կա ՝ Ինգուշի Օլգեթի գյուղում, Մոսկվայի մարզի Լոբնյա գյուղում և հայտնի Վ.Վ. Պուտինը փողոցը ՝ Գրոզնիի կենտրոնում:
Երբեմնի գեղեցիկ սիրավեպը և երկարատև համատեղ կյանքը մոտեցավ իր ավարտին: 2013 թվականի հունիսի 6-ին Վլադիմիր Վլադիմիրովիչ Պուտինը կնոջ ՝ Լյուդմիլայի հետ միասին, ներկա գտնվեց «Էսմերալդա» բալետին, իսկ ներկայացումից հետո զույգը լրագրողներին պատմեց սպասվող ամուսնալուծության մասին:
