Ավարտվեց Գրքի երևանյան հինգերորդ փառատոնը:
Գրական մրցույթի «Պոեզիա» անվանակարգում հավասար միավորներով հաղթող են ճանաչվել Կարեն Անտաշյանը և Մարինե Պետրոսյանը։
«Դրամատուրգիա» անվանակարգում հաղթող է ճանաչվել Աննա Դավթյանը:
«Արձակ» անվանակարգում հաղթող է ճանաչվել Տիգրան Պասկևիչյանը:
«Մանկապատանեկան գրականություն» անվանակարգում հաղթող է ճանաչվել Խաչիկ Գրիգորյանը:
Գրքի երևանյան 5-րդ փառատոնի կայացման գործում ունեցած անգնահատելի ավանդի, հայ դասական և ժամանակակից գրականությունը հետևողականորեն թարգմանաբար հանրահռչակելու համար» հատուկ մրցանակի է արժանացել Լիլիթ Մելիքսեթյանը:
Փառատոնը Հայաստանում գրականության և գրահրատարակչության ոլորտի ամենամեծ ծրագիրն է: Ծրագրում 25-40 տոկոս զեղչով գրքերի ցուցահանդես-տոնավաճառ էր, որին մասնակցել են ավելի քան 35 հրատարակչություններ և մշակութային կազմակերպություններ, «Արձակ», «Չափածո», «Դրամատուրգիա», «Մանկապատանեկան գրականություն» անվանակարգերում գրական մրցույթ, որին մասնակցել է 165 գրող: Տեղի են ունեցել ավելի քան 60 շնորհանդես, պանելային զրույցներ, վարպետության դասեր, հայ և արտասահմանյան գրողների հետ բացառիկ հանդիպումներ:
