«ՌեԱ» փառատոնը (ReA Fest) սիրով հրավիրում է կինոյի և անիմացիոն ոլորտների պրոդյուսերներին՝ մասնակցելու France TV-ի երիտասարդական և կրթական բաժնի տնօրեն Պիեր Սիրակուզայի հետ, որը տեղի կունենա ապրիլի 9-ին՝ ժամը 12:00-ին, Հայաստանի Կինոյի Հիմնադրամում (Տերյան 3ա):

Պիեր Սիրակուզան Հայաստան է ժամանել «ՌեԱ» փառատոնի  հատուկ հրավերով և France TV-ի հետ համագործակցությամբ, Հայաստանում Ֆրանսիայի դեսպանության (Ambassade de France en Arménie) և Հայաստանի Ֆրանսիական Ինստիտուտի (Institut français d'Arménie) աջակցությամբ։

France TV-ի երիտասարդական և կրթական բաժնի տնօրեն Պիեր  Սիրակուզայի հետ բացառիկ հանդիպման ընթացքում  կինոյի և անիմացիոն ոլորտների պրոդյուսերները  հնարավորություն կունենան ծանոթանալու France TV-ի գործունեության մանրամասներին, անիմացիոն ֆիլմերում, հեռուստաշարերում (ինչպես մանկական, այնպես էլ ոչ մանկական), գեղարվեստական և փաստավավերագրական  ֆիլմերում ներդրման ծրագրերի ու արտադրման գաղտնիքների մասին։

Հանդիպման ավարտին մասնակիցները հյուրի հետ հարց-պատասխանի  հնարավորություն կունենան։

Հանդիպմանը մասնակցելու համար կարող եք նախապես գրանցվել հետևյալ հղումով մինչև ապրիլի 7-ը, ժամը՝ 23:00-ը։