«Չեմ ուզում դրամատիկ լինել, բայց կարող էի մահանալ։ Ես դեղերի վտանգավոր չափաբաժիններ ընդունեցի, որպեսզի կարողանամ քայլել։ Ես պետք է սովորեի կուլ տալ: Ինձ պետք էին տարբեր դեղամիջոցներ, որպեսզի իմ մարմինը կարողանար նորմալ աշխատել: Մեկ հաբ, երկու, ևս հինգ... Չափազանց շատ դեղահաբեր, բայց շոուն պետք է շարունակվեր»,- ասել է Դիոնը:

Աստղը խոստովանել է, որ երկար ժամանակ փորձում էր խաբել բոլորին իր շրջապատում, որ իրեն լավ է զգում։ Նույնիսկ համերգների ժամանակ Սելինը հաճախ դիտավորյալ խոսափողն ուղղում էր դեպի հանդիսատեսը, որպեսզի երկրպագուները երգեն նրա փոխարեն։ Այս կարճ ընդմիջումների ժամանակ արտիստը կարող էր շունչ քաշել։

Սելինը որոշել է խոսել իր ծանր հիվանդության մասին երկու տարի առաջ։ Նա վստահեցրել է, որ սիրելիների և երկրպագուների աջակցության շնորհիվ իրեն ավելի լավ է զգում։ Երգչուհու խոսքով նրա խնամքի հարցում մեծ է իր երեխաների աջակցությունը։