Amazon Prime Video-ն հրապարակել է «The Sound of 007» վավերագրական ֆիլմի թրեյլերը։ Այն նվիրված է Ջեյմս Բոնդի մասին ֆիլմաշարի սաունդթրեքի ստեղծման պատմությանը։

Տեսանյութը հրապարակվել է սթրիմինգային ծառայության YouTube-ի պաշտոնական ալիքում։

Վավերագրական ֆիլմում նկարահանվել են Դենիել Քրեյգը, Ռամի Մալեքը, Սեմ Սմիթը, Բիլի Այլիշը, Հանս Ցիմերը, Սեմ Մենդեսը, Քերի Ձոձի Ֆուկունագան և Փոլ Մաքքարթնին։ 

«The Sound of 007»-ի ռեժիսորը Մեթ Ուայթքրոսն է («The Road to Guantanamo», «Sex & Drugs & Rock & Roll» ֆիլմերից), պրոդյուսերը՝ Ջոն Բաթսեքը։ Պրեմիերան կկայանա հոկտեմբերի 5-ին, որը համարվում է Ջեյմս Բոնդի համաշխարհային օրը։