Բրիթնի Սփիրսը երկու տարվա ընթացքում առաջին անգամ հանդիպել է իր որդիներին՝ նրանց հետ նշելով Սուրբ Ծնունդը։
Ինստագրամի իր էջում Սփիրսը տեսանյութ է հրապարակել որդիներից մեկի հետ։
«Իմ կյանքի լավագույն Սուրբ Ծնունդը: Ես իմ տղաներին չեմ տեսել երկու տարի: Ուրախության արցունքներ ունեմ, այնքան օրհնված եմ: Խոսքեր չունեմ, շնորհակալություն Հիսուս»,– գրել է Սփիրսը:
42-ամյա Բրիթնի Սփիրսի հարաբերությունները որդիների հետ վատթարացել են այն բանից հետո, երբ նրանք ասել են, որ ամաչում են Instagram-ում նրա ցնցող պահվածքից և անկեղծ լուսանկարներից: Բացի այդ, տղաների հայրը՝ Քևին Ֆեդերլայնը, նույնպես արգելել է նրանց տեսակցել մորը։ Սակայն վերջերս Սփիրսը փորձում է բարելավել հարաբերությունները նրանց հետ։
