Ամերիկացի դերասան Սթիվեն Լենգը comicbook.com-ին տված հարցազրույցում ներկայացրել է առաջիկա «Ավատար․ Ջրի ուղին» («Avatar: The Way of Water») ֆիլմից ստացած տպավորությունները։
«Ավատարի» աստղն ասել է, որ արդեն հասցրել է դիտել շատ տեսարաններ սպասվող շարունակությունից և շատ է տպավորված։ Նա կուլտային ֆիլմի երկրորդ մասն անվանել է «հրաշալի ֆիլմ», որը նման չէ նախկինում տեսածին։ Լենգի խոսքով՝ ինքը չի կասկածում, որ հիանալի ֆիլմ է ստացվելու։
««Ավատար 2»-ը վիզուալ շքեղ լինելուց բացի, պարզապես շատ հումանիստական ֆիլմ է: Այն այնքան շատ սիրտ, զգացմունքներ ու կիրք ունի, որ կարծում եմ՝ արձագանքներ կգտնի շատ ու շատ հեռուստադիտողների հոգում»,- եզրափակել է դերասանը։
Օրիգինալ «Ավատարը» թողարկվել է 13 տարի առաջ, այն դարձել է կինոյի պատմության մեջ ամենաշատ եկամուտ ստացած ֆիլմերից։
«Ավատար․ Ջրի ուղին» ֆիլմի պրեմիերան նախատեսված է 2022 թվականի դեկտեմբերի 14-ին։ Ծրագրվում է ևս երեք ֆիլմ, որոնց մի մասն արդեն նկարահանված է։
Կարող եք կարդալ նաև՝
