Այնուամենայնիվ, Մայքլն անդրդվելի էր կյանքը Քեթրինի հետ կապելու իր որոշման մեջ։ Դերասանին չխանգարեց անգամ կնոջից երկարատև ամուսնալուծությունը, որն արժեցավ 45 միլիոն դոլար: Բացի պահանջված փոխհատուցումից, աստղի նախկին կինը շքեղ առանձնատներ ստացավ Բևերլի Հիլզում և Մալյորկայում: Այնուամենայնիվ, դա չանհանգստացրեց սիրահարված Դուգլասին։ «Լավ կլիներ՝ ամուսնալուծվեինք 10-ը տարի առաջ։ Այս ժամանակավոր հետաձգումը միակ բանն է, ինչի համար ափսոսում եմ»,- ասել է Դուգլասը:

Ի դեպ, շքեղ տոնակատարությունից առաջ զույգն ամուսնական պայմանագիր է կնքել։ Դուգլասը բառացիորեն կորցրել է գլուխը սիրուց և համաձայնել է բոլոր այն պայմաններին, որոնք առաջ էր քաշել խենթ թխահերը։ Ըստ ամուսնական պայմանագրի՝ դավաճանության դեպքում Մայքլը պարտավոր էր Զետա-Ջոնսին վճարել 2,8 միլիոն դոլար՝ նրանց համատեղ ապրած յուրաքանչյուր տարվա համար, ինչպես նաև հավելյալ 5 միլիոն դոլար։ «Ինչ ուզում է Քեթրինը, նա կստանա», - ասել էր դերասանը:

Կանխատեսում էին, որ զույգը միասին կապրի ոչ ավելի, քան մեկ տարի, այնինչ, նրանք ամուսնացած են ավելի քան 20 տարի և ունեն երկու երեխա։ Իհարկե, այս ընթացքում սիրահարները ստիպված են եղել բազմաթիվ փորձությունների միջով անցնել։

2013 թվականին նրանց ամուսնությունը խզվեց։ Դուգլասը ասաց, որ հոգնել է դեպրեսիայից և իր կնոջ մշտական ​​զայրույթից: Այնուհետեւ զույգը բաժանվել է եւ ութ ամիս ապրել առանձին։ Այդ ժամանակ նրանք նույնիսկ հանել էին ամուսնական մատանիները։ Ճիշտ է՝ տարեվերջին հայտնիները հաղթահարեցին հարաբերությունների ճգնաժամը։ «Ես խենթանում եմ նրա համար: Կարծում եմ՝ յուրաքանչյուր զույգ դժվար ժամանակներ է ապրում։ Հարաբերությունների պահպանումը պահանջում է երկկողմանի աշխատանք։ Բայց մենք վերադարձել ենք, և մենք ավելի ուժեղ ենք, քան երբևէ», - ասել է Մայքլը:

2020 թվականին մամուլում կրկին շրջանառվեցին դերասանների ամուսնալուծության մասին լուրերը։ Այնուամենայնիվ, աստղերը կարողացան պահպանել իրենց միությունը: «Դուք պետք է անեք առավելագույնը և չհանձնվեք, երբ առաջին խնդիրն առաջանա, քանի որ դա վերջին խնդիրը չի լինի: Ապագայում դեռ շատ խնդիրներ կլինեն»,-խոստովանել է Զետա-Ջոնսը: