Քորթնի Քարդաշյանի նախկին ընկերը՝ Սքոթ Դիսիկը, հուզիչ լուսանկար է հրապարակել որդու և դստեր հետ։ Նա վստահեցրել է, որ երեխաների հետ կատարյալ ծննդյան օր է անցկացրել:
Սքոթն ու Քորթնին հարաբերությունների մեջ են եղել 2006-ից 2015 թվականներին։ Նրանց միությունից ծնվել են երեք երեխա՝ որդիներ Մեյսոնն ու Ռեյնը, դուստրը՝ Պենելոպան։ Ժառանգները շարունակում են ջերմորեն շփվել հոր հետ։ Երեկ նրանք զարմացրել են Դիսիկին։
Քարդաշյանի նախկին սիրեցյալը նշել է ծննդյան տարեդարձը. նա դարձել է 41 տարեկան։ Սքոթի և Քորթնիի երեխաները նրա համար անակնկալ են պատրաստել։ Նրանք հատակին ծածկոց են փռել՝ բարձերով, նվերներով ու բացիկներով, և արծաթյա փուչիկներ են կախել՝ «Happy Birthday» մակագրությամբ։
Դիսիկն ասել է, որ աներևակայելի հուզված է: Նա հրապարակել է Պենելոպեի և Ռեյնի լուսանկարը՝ տոնական զարդարանքներով։ «Աշխարհում ավելի մեծ սեր չկա: Ես սիրում եմ ձեզ: Լավագույն ծննդյան տարեդարձը, որ հայրիկը կարող է ցանկանալ, 41 տարեկանն է»,- գրել է Դիսիկը:
