Կլիմայի պաշտպանությամբ զբաղվող Letzte Generation շարժման անդամները կիրակի օրը Գերմանիայի Պոտսդամ քաղաքում կարտոֆիլի խյուս են լցրել ֆրանսիացի իմպրեսիոնիստ Կլոդ Մոնեի 111 միլիոն դոլար արժողությամբ նկարի վրա՝ կլիմայի խնդիրների վրա ուշադրություն հրավիրելու նպատակով, գրում է գերմանական Tagesspiegel թերթը:
«Մենք կլիմայական աղետի մեջ ենք, իսկ այն ամենը, ինչից դուք վախենում եք, տոմատի ապուրն է կամ կարտոֆիլի խյուսը նկարի վրա», - միջադեպից հետո ասել է ակտիվիստներից մեկը:
Միջադեպի տեսանյութը հրապարակվել է շարժման Twitter-ի միկրոբլոգում։
#Kartoffelbrei auf #Monet:
— Letzte Generation (@AufstandLastGen) October 23, 2022
Was ist mehr wert #FürAlle – Kunst oder Leben?
Monet liebte die Natur und hielt ihre fragile Schönheit in seinen Werken fest.
Warum haben viele mehr Angst davor, dass eines dieser Abbilder Schaden nimmt, als vor der Zerstörung unserer Welt selbst? pic.twitter.com/0Rh1ZS6yjk
Ակտիվիստուհու խոսքով՝ ինքը մտավախություն ունի, որ արդեն 2050 թվականին մարդիկ «չեն կարողանա կերակրել իրենց ընտանիքներին»։ «Այս նկարը նշանակություն չի ունենա, երբ մենք պետք է կռվենք սննդի համար», - բղավել է նա թանգարանում։
Թանգարանի ներկայացուցչի խոսքով, որտեղ տեղի է ունեցել միջադեպը, դեռ պարզ չէ, թե որքանով են վնասված Մոնեի նկարն ու շրջանակը։ Նկարչի աշխատանքը գտնվում է ապակու հետևում, ուստի կարտոֆիլի խյուսը չէր կարող հայտնվել անմիջապես կտավի վրա: Այնուամենայնիվ, ներկայում վերականգնողներն ուսումնասիրում են՝ արդյոք խյուսը թափանցե՞լ է ապակու տակ, թե՞ վնասվել է միայն շրջանակը։
