Լուսանկարը՝ Bravo.am-ի
Այսօր իր ծննդյան 52-ամյակն է նշում Հրաչ Քեշիշյանը։
Հրաչյա Հուսիկի Քեշիշյանը ռեժիսոր, պրոդյուսեր, տեղական ու միջազգային մրցանակների դափնեկիր է, Հայաստանի մշակույթի վաստակավոր գործիչ։ Կինոռեժիսոր Քեշիշյանի դեբյուտը կայացել է 2007 թվականին «Ոչինչ չի մնա» մելոդրամայով, որտեղ նկարահանվել են Խորեն Լևոնյանը, Նազենի Հովհաննիսյանը, Արմեն Մարգարյանը։
Քեշիշյանի ամենահաջող ստեղծագործությունը «Գարեգին Նժդեհ» ֆիլմ-կենսագրությունն էր (2013 թվական), որտեղ նկարահանվել են, այլ դերասաններից բացի, ռուս հայտնի դերասաններ Չուլպան Խամատովան և Միխայիլ Եֆրեմովը։
Հրաչ Քեշիշյանը բազմաթիվ հաղթանակներ է գրանցել ֆիլմերի և տեսահոլովակների տեղական և միջազգային մրցույթներում։
Հրաչ Քեշիշյանի ռեժիսորական աշխատանքներից ամենհայտնիներն են՝
- «Երջանկության մեխանիկան»
- «Thank You, հայրիկ»
- «Խաչագողի հիշատակարանը»
- «Սպանված աղավնի»
- «Ոչինչ չի մնա»
- «Երեք ընկեր»
- «Մի տխրիր» կարճամետրաժ երաժշտական ֆիլմ
- «Էսքիզներ» 10 մասանոց փաստագրական ֆիլմաշար
- «Մահապարտները» փաստագրական ֆիլմ
- «Բոլոր գետերը հոսում են» փաստագրական ֆիլմ
Պրոդյուսերական աշխատանքներից՝
- «Մի վախեցիր»
- «Մեր սրտի տնակը»
- «Խաչագողի հիշատակարանը»
- Նախագիծ «Ոսկե աչքը»
Սցենարական աշխատանքներից՝
- «Ոչինչ չի մնա»
2011 թվականին Հրաչ Քեշիշյանը պարգևատրվել է Մովսես Խորենացու մեդալով, իսկ 2018 թվականին Հայաստանի Հանրապետության մշակույթի վաստակավոր գործչի կոչում ստացել:
