Ամերիկացի դերասան Քոլման Դոմինգոն կիսվել է «Euphoria»-ի 3-րդ սեզոնի մանրամասներով Deadline-ին տված հարցազրույցում։
Արտիստը պատմել է, որ վերջերս հանդիպել է սերիալի հեղինակ Սեմ Լևինսոնի հետ, ով խոսել է նոր եթերաշրջանի իր ծրագրերի մասին։ Դոմինգոյի խոսքով՝ ռեժիսորը ցանկանում է նոր դրվագներն ավելի խորն ու դրամատիկ դարձնել։ «Կարծում եմ, որ 3-րդ սեզոնը շատ մեծ փոփոխություններ կունենա: Նա (Լևինսոնը) նրանցից է, ով ցանկանում է կոտրել նախագծում հանդիսատեսի ակնկալիքները»,- կիսվել է Դոմինգոն։
Դերասանը ռեժիսորին անվանել է «կատարյալ արվեստագետ», ով ցանկանում է պատմել ազդեցիկ պատմություն։ «Նա չի նայում նախորդ սեզոնների հաջողություններին, այլ ասում է. «Եկեք առաջ գնանք: Ես պատրաստվում եմ ավելի խորը բացահայտել կերպարներին, հեռացնել նրանցից բոլոր շերտերը և հասնել նրանց մարդկային սրտերին»,- ասել է արտիստը:


