Բեյոնսեն հրապարակել է Ivy Park-ի և adidas-ի հինգերորդ համատեղ հավաքածուի առաջին լուսանկարները։ Համագործակցությունը ստացել է Halls of Ivy անվանումը:
Երգչուհին թենիսի կորտում կանաչ սպորտային բոդիով և վառ կանաչ երանգով թիկնոցով է: Կերպարը համալրել է գուլպա կոշիկներով և համապատասխան ակնոցներով։
Համաձայն Hypebae-ի՝ իրերի մեծ մասը լինելու է կանաչ գույնով, վաճառքը կսկսվի դեկտեմբերի 10-ից: Հավելյալ տեղեկատվություն դեռևս չկա:
Հիշեցնենք, adidas-ի ու Բեյոնսեի 4-րդ համատեղ հավաքածուն թողարկվել է օգոստոսին։ Շարքը ոգեշնչված էր Վայրի Արևմուտքից և առաջին սևամորթ ամերիկացի կովբոյների ժառանգությունից: Հավաքածուն իր մեջ ներառում է մուգ ջինսից և ձիգ կտորից պատրաստված մոդելներ, որոնք զարդարված են ֆիրմային մոնոգրամով և կենդանական տպագրությամբ:
