Հայտնվել է նաև «Camera Assistant»-ը՝ ավելի հարմար և հստակ նկարահանումների համար։
Samsung-ը թողարկել է Samsung Expert RAW տեսախցիկի հիմնական նոր թարմացումը Galaxy S22 շարքի համար, որը մեծապես կընդլայնի նկարահանման հնարավորությունները: Ներկայացնում ենք հիմնական բարելավումները։
Աստղեր լուսանկարող ֆունկցիա
Սա նոր ռեժիմ է, որը թույլ է տալիս նկարել գիշերային երկնքի և համաստեղությունների հստակ պատկերներ, երբ յուրաքանչյուր լուսարձակ երևում է կադրում: Նկարահանումների հարմարության համար տրամադրվում է աստղային երկնքի հատուկ ուղեցույց, որը կօգնի տեսախցիկն ուղղել ցանկալի օբյեկտին։
Մուլտիէքսպոզիցիա
Այս հատկությունը թույլ է տալիս միաժամանակ նկարել բազմաթիվ պատկերներ և օգտագործել համադրման ռեժիմները՝ դրանք միավորելու մեկ գլուխգործոցում: Overlay-ը ստեղծում է օրիգինալ աբստրակտ կադրեր:
«Տեսախցիկի օգնական»
Սա ամբողջովին նոր հավելված է, որը կօգնի ընտրել, թե տեսախցիկի ավտոմատ գործառույթներից որն է պետք անընդհատ օգտագործել: Կստացվի յուրահատուկ ցանց, որը ներառում է մի շարք կարգավորումներ՝ մեկ սեղմումով:
Օրինակ՝ «Օգնականի» միջոցով կարելի է անջատել ավտո-HDR-ը, ակտիվացնել կտրուկ տեկստուրաները փափկեցնող ֆիլտրը, ընտրել ժամանակացույցից հետո արվող նկարների քանակը, ավելացնել միացման արագությունը և այլն:
Ներկայում One UI 5-ով Galaxy S22 սերիայի օգտատերերն արդեն կարող են ներբեռնել նորացված Expert RAW և Camera Assistant հավելվածները։ Դրանց տարածման տեմպերը փոքր-ինչ կտարբերվեն՝ ըստ աշխարհի տարածաշրջանների:
