Ալլա Միրզոյանն Արցախի Մարտակերտի շրջանի Ներքին Հոռաթաղից է, պատերազմի օրերին ժամանակավոր տեղափոխվել է Երևան և Շենգավիթ բժշկական կենտրոնում ունեցել իր 6- րդ զավակին: Միրզոյանների ընտանիքը նորածնի անունն Ալբերտ է դրել՝ ի պատիվ Արցախում հերոսաբար մարտնչելիս զոհված հրետանավոր Ալբերտ Հովհաննիսյանի, որի ծնողները տեղյակ են՝ իրենց որդու անունն է կրում այս փոքրիկը: Նորածին Ալբերտի հայրը՝ Արմեն Միրզոյանը, դեռ չի տեսել որդուն՝ չի հասցրել, հայրենիքին էր պաշտպանում: Ալլան անհամբեր սպասում է ամուսնուն, որ գա և միասին՝ 3 որդու և 3 դստեր հետ վերադառնան Արցախ:
Հերոսներն անմահանում են նաև լույս աշխարհ եկող երեխաներով, որոնք կրում են նրանց անունը. առանց պատերազմների երկիր սերունդներին:
Մանրամասները՝ տեսանյութում:
