Տիեզերք թռիչքը հենց տիեզերքում տոնելու համար:
GH Mumm-ը ներկայացրել է ֆուտուրիստական շամպայնի շիշ, որը լիովին համապատասխանում է Ֆրանսիայի Տիեզերական հետազոտությունների ազգային կենտրոնի (CNES) հավաստագրման պահանջներին: Դա նշանակում է, որ կարելի է խմել պարունակությունը զրոյական գրավիտացիայի պայմաններում․ արտադրողը ցուցադրել է այն Airbus-ով պարաբոլիկ թռիչքի ժամանակ:
Mumm Cordon Rouge Stella փայլուն շիշը պատված է ավիացիոն ալյումինի պաշտպանիչ շերտով: Խցանն ամրացվում է չժանգոտվող պողպատից պատրաստված հատուկ փականով։ Սեղմելիս հայտնվում է շամպայնի փափուկ գնդիկ։ Տիեզերագնացները կկարողանան այն որսալ երկար պոչով հատուկ բաժակի միջոցով։
Ընդ որում՝ հեղուկն ինքնին պահվում է շշի վերևում և փրփուրի տեսքով դուրս է գալիս միայն այն ժամանակ, երբ դրա միջով բնական գազ է անցնում ներքևի մասից։ Այդ մեխանիզմը թույլ չի տալիս, որ շամպայնը թափվի բացելիս։
Դիզայներ Օկտավ դը Գոլը նշել է.
GH Mumm նախագիծն ավելի քան հինգ տարեկան է: Շիշն առաջին անգամ փորձարկվել է 2018 թվականին, սակայն վերջնական տարբերակը նոր է թողարկվել։
Mumm Cordon Rouge Stella-ն տիեզերք կուղարկվի որպես գալիք Axiom Space մարդատար առաքելության մաս և, ի վերջո, թույլ կտա տիեզերագնացներին բաժակ բարձրացնել տիեզերակայանում՝ նշելու թռիչքի հաջողությունը: Շշի արժեքը դեռ չի հայտարարվել։
