Ճապոնական Nintendo խաղային կոնսոլների ստեղծող Մասայուկի Ուեմուրան հեռացել է կյանքից 78 տարեկան հասակում, հայտնում է Kyodo գործակալությունը։ Մահվան պատճառը չի հաղորդվում։
Ուեմուրան միացել է Nintendo-ին 1971 թվականին, երբ ճապոնական ընկերությունը նոր էր սկսում աշխատել վիրտուալ ժամանցի տարածքում: Նա պատասխանատու էր Nintendo Entertainment System (NES) և Super Nintendo Entertainment System (SNES) տեսախաղերի կոնսոլների մշակման համար: Ուեմուրայի մշակած NES և SNES կոնսոլների յուրահատկությունն այն էր, որ դրանցում օգտագործում էր խաղերի հետ փոխարինելի քարթրիջներ, որոնց ստեղծման գործում ներգրավված էր նաև Ուեմուրան։
Երկու կոնսոլների համաշխարհային վաճառքը գերազանցել է 100 միլիոն միավորը: Սա թույլ է տվել Nintendo-ին դառնալ տեսախաղերի արդյունաբերության առաջատար ընկերություններից մեկը: 2004 թվականին՝ ընկերությունից հեռանալուց հետո դասավանդել է Ճապոնիայի Կիոտոյի համալսարանում։
