Թուրք հայտնի դերասանուհի Սոնգյուլ Օդենը, որին հատկապես մեծ ճանաչում է բերել «Մարգարիտ» հեռուստանովելը, ամուսնացել է Թուրքիայում ծնված և այնտեղ բնակվող հայի՝ Արման Բիչակչյանի (Արման Բիչակչի) հետ: Այդ մասին գրել է «Արևելք» լրատվականը:
Լրատվականը հայտնել է, որ թուրքական մամուլը, ներկայացնելով լուրը, նշել է, որ երջանիկ զույգը չորս տարի ընկերություն է արել, հետո ամուսնացել՝ կազմելով գեղեցիկ ընտանիք:
Պսակադրության համեստ արարողությունն իրականացվել է Պեշիկթաշի քաղաքապետարանի ամուսնությունների գրանցման բաժնում:
Արման Բիչակչին գործարար է: Նա աշխատում է աշխարհահռչակ հայ ոսկերիչ Սևան Բիչակչիի հետ, որին անվանում են «Մատանիների տիրակալ»: Արմանը Սևան Բիչակչիի զարմիկն է: Փեսացուի հայրը Պոլսի հայ հոգևորականներից է՝ Տ. Զավեն Բիչակչյանը:
Սոնգյուլ Օդենը 41 տարեկան է: 2005-ից 2007 թվականները թուրքական և արաբական հեռուստատեսությամբ ցուցադրված «Մարգարիտ» հեռուստանովելից հետո դերասանուհուն անվանել են «Արևելյան երազների թագուհի»:
The Armenian Report-ը նշում է, որ Սոնգյուլը ծագումով զազա է: Զազաները արևելյան Թուրքիայում ապրող ժողովուրդ են: Զազաները սովորաբար իրենց քուրդ են համարում, եւ նրանց հաճախ անվանում են Զազա- քրդեր։ Ոմանք նաև իրենց թուրք են համարում, բայց տարեցները , ինչպես նաև իրենց ինքնությունը գիտակցող երիտասարդ սերունդը առանձնացնում են իրենց թուրքերից և քրդերից:
