Նորաձևության բրենդներն արդեն ներկայացրել են իրենց հավաքածուները 2022 թվականի գարուն-ամառ սեզոնի համար: Ապագա զգեստապահարանում ներդրումներն ավելի ռացիոնալ և որակյալ դարձնելու համար խորհուրդ ենք տալիս գալիք գարնան միտումները կապել 2021 թվականի աշուն-ձմեռ թրենդների հետ: Vogue.ua-ն հավաքել է գալիք սեզոնի նորաձևության 5 միտում, որոնք կարող եք կրել հենց հիմա։
total դեղին look (ամբողջական դեղին)
Պայծառ և արևոտ դեղին գույնը հայտնվել է բազմաթիվ դիզայներների ցուցադրություններու: Արևոտ զգեստները, կոստյումներն ու վերնահագուստը մի քանի րոպեում կբարձրացնեն տրամադրությունը։ Հաջորդ սեզոնին հատկապես տպավորիչ տեսք կունենան դեղին երկկտոր կոստյումները: Վառ տաբատներն ու վերարկուները հեշտությամբ կարելի է համադրել բազային իրերի հետ։
Տրիկոտաժ
2021/2022 աշուն-ձմեռ սեզոնում տրիկոտաժը մեծ տեղ է զբաղեցրել, որը կշարունակվի մինչև գալիք գարուն։ Հայտնիները ցույց են տվել իրենց հավատարմությունն այս թրենդին՝ համալրելով զգեստապահարանները գունավոր ջեմպերներով, սվիտերներով և զգեստներով: Նոր սեզոնում գունեղ տրիկոտաժը դեռ նորաձև կլինի:
Լայն (Baggy) տաբատներ
Դիզայներները հրաժեշտ են տվել skinny տաբատներին դեռ 2021 թվականի գարուն/ամառ սեզոնին, երբ ոլորտի հիմնական խաղացողները, ներառյալ Chanel-ը և Balenciaga-ն, նախընտրել են լայն ջինսե հագուստ: Եթե ընթացիկ սեզոնը կարելի է համարել որպես թրենդի ծագում, ապա հաջորդ գարնանը նման ջինսերն ունեն բոլոր հնարավորությունները զգեստապահարանի առանցքային տարր դառնալու։
Ցածր գոտկատեղով տաբատ
Ցածր գոտկատեղը վերադարձել է 2022 թվականի գարուն-ամառ սեզոնին: Հետևելով Jacquemus-ի շոուին՝ կտեսնեք, թե ինչպես է հնարավոր ցածր գոտկատեղով տաբատը համադրել քրոփ թոփ վերնաշապիկով:
Հյուսվածքից հագուստ/Կրոշե հանդերձանք
Թրենդը, որը մի քանի սեզոն է, ինչ ներխուժել է նորաձևության աշխարհ, դեռ կշարուրունակի ակտուալ մնալ հաջորդ սեզոններում: Կրոշե հանդերձանքները ունեն բոլոր հնարավորությունները դառնալու գարնանային կերպրի գլխավոր ուղեկիցը:
