Եվ հիմա մեքենան գործարանի թանգարանում է։

Անգլիացի դիզայներ Ալեք Իսիգոնիսի բնօրինակ ստեղծագործությունն ասոցացվում է հիմնականում կոմպակտ հեչբեքի՝ դրա ճանապարհային տարբերակի, հաղթական ռալի մեքենայի կամ միստր Բինի արկածների մասին շարքի բազմաթիվ ծիծաղելի փոքրիկ մեքենաներից մեկի հետ: 
Պարզվում է, սակայն, որ MINI-ի հիման վրա տարբեր ժամանակներում ստեղծվել են մեքենաների մի շարք մոդիֆիկացիաներ, որոնցից մի քանիսն այժմ գտնվում են դասական մոդելների համար պատասխանատու BMW Group Classic բաժնի պահոցներում:

1960 թվականի սեպտեմբերին ներկայացված MINI-ի վրա հիմնված պիկապը ծառայել է որպես Cummins Ice Cream Vans-ի նախատիպ, որը, ինչպես հուշում է անունը, մեքենաներ է կառուցում պաղպաղակի վաճառքի համար: Վերակառուցման գործընթացում պիկապը հագեցած էր զանգվածային վերնամասով. խցիկի տանիքի վերևում հայտնվել էին ուռուցիկ պատուհաններ, իսկ երկայնքով վաճառասեղան կար և ցուցափեղկ:

Իրենց հուսալիությամբ, սպասարկման հեշտությամբ, վերանորոգման ցածր գնով և կոմպակտ չափսերով, որոնք թույլ են տալիս վարել նույնիսկ ամենանեղ փողոցներով, առանձնացող MINI պիկապ մեքենաների հիման վրա պաղպաղակի ֆուրգոններ են կառուցել տարբեր ընկերություններ: Բայց ամենաճանաչվածը Cummins Ice Cream Vans-ի տարբերակն էր, որն իր արտաքինի շնորհիվ նույնիսկ ստացել է «Batmobile» մականունը՝ ի պատիվ 1960-ականների Batman հեռուստաշոուի, որտեղ գլխավոր դերակատարն Ադամ Ուեսթն էր:

Օրիգինալ մեքենայի բնութագրերն ու սարքավորումները չեն հաղորդվում, սակայն BMW-ի հրապարակած նկարներից պարզ է դառնում, որ ֆուրգոնը նույնիսկ փոքրիկ լվացարան է ունեցել վարորդի նստատեղի կողքին։ Դե, բեռնախցիկում, ակնհայտորեն, սառնարան կար, պաղպաղակի սկուտեղներ և վաճառողի աշխատատեղը։