Շանհայի՝ աշխարհի ամենամեծը պլանետարիումը պաշտոնապես սկսել է այցելուներ ընդունել: Համալիրի շուրջ հսկայական հերթ էր գոյացել: Ներս մտնել հնարավոր էր միայն նախապես գնված տոմսով: Հաջորդ շաբաթվա բոլոր տոմսերը սպառվել են վաճառքի մեկնարկից մի քանի ժամվա ընթացքում: Համալիրի տարածքում, իր գործունեության առաջին օրը, գրեթե մեկ կիլոմետր շառավղով բոլոր կայանատեղիները լիքն էին:
Ամենամեծն պլանետարիումն աշխարհում
2016 թվականի նոյեմբերին կառուցված համալիրը գտնվում է Շանհայի Պուդոնգ շրջանի Լինգգանի ազատ առևտրի գոտում: Հիմնական շենքի ընդհանուր մակերեսը 38.000 ք/մ է, իսկ հարակից կառույցներով ամբողջ համալիրը գտնվում է 58.600 ք/մ տարածքի վրա:
Պլանետարիումը բաղկացած է հիմնական շենքից և մի շարք օժանդակ կառույցներից, ներառյալ երիտասարդական հետազոտական կենտրոնն ու երկու հանրային աստղադիտարան: Ցուցահանդեսի մասում այցելուները կարող են տեսնել տարբեր երկնաքարերի մոտ 70 բեկոր, ներառյալ Լուսնի, Մարսի և Արևմուտքի աստերոիդների արտեֆակտները: Հավաքածուն ներառում է նաև Իսահակ Նյուտոնի, Գալիլեո Գալիլեյի, Նիկոլայ Կոպեռնիկոսի և մի շարք այլ գիտնականների բնօրինակ աշխատանքներ:
Համալիրն արտաքինից նման է գիտաֆանտաստիկ ֆիլմերի տիեզերանավի, որի երկայնքով շարժվում են մոլորակները: Գլխավոր շենքի շուրջը քայլող արահետները նման են գալակտիկական պարույրի գծերի: Պլանետարիումի կառուցման ընթացքում համալիրի գործունեությունն ապահովելու համար օգտագործվել են էկոլոգիապես մաքուր նյութեր և կանաչ տեխնոլոգիաների վերջին նվաճումները:
Պլանետարիումն ունի նաև աստղադիտակ, որտեղից կարող են օգտվել աստղագիտության բոլոր սիրահարները՝ արևային համակարգը դիտելու համար: Այն կօգտագործվի նաև տարբեր հետազոտական նախագծերում, ներառյալ ուսանողական:
Աղբյուրը՝ CGTN
