Սառցե Եվրոպա, որը կարող է մատուցել բազմաթիվ անակնկալներ։
ՆԱՍԱ-ի Juno տիեզերանավն ուղարկել է Յուպիտերի՝ Եվրոպա կոչվող արբանյակի նոր պատկերները:
Գիտնական Բյորն Ջոնսոնի մշակած գլխավոր լուսանկարը ցույց է տալիս բազմաթիվ մութ իջվածքներ, ինչպես նաև հսկայական Քալանիշ խառնարանը, որը սկսել է ուսումնասիրվել դեռևս 1990-ականների վերջին (ներքևի աջ անկյունում)։
Երկրորդ պատկերը, որը մշակել է գիտնական Նավանիտ Կրիշնանը, ցույց է տալիս Annwn Regio կոչվող շրջանը: Գիտնականներն այս տարածքն անվանում են քաոսային լաբիրինթոս՝ գագաթներով, ակոսներով և սառցե մակերեսի ճեղքերով:
ՆԱՍԱ-ն նշում է, որ այս նկարներն ընդգծում են Եվրոպայի մակերևույթի՝ նախկինում չուսումնասիրված առանձնահատկությունները, կարող են լույս սփռել այն գործընթացների վրա, որոնք տեղի են ունենում պոտենցիալ բնակելի օվկիանոսում՝ սառցե հաստ շերտի տակ:
