Նրանց համար, ովքեր կարիք ունեն մաքսիմալ հասարակ լուծման։
Աշխատելու կամ սովորելու ընթացքում շատ օգտատերեր երբեմն պետք է պատկերներ մշակեն փաստաթղթերի, նախագծերի, շնորհանդեսների և նմանատիպ այլ բաների համար: Չափսեր փոխելու կամ փոքրացնելու համար կարելի է օգտագործել այնպիսի ծրագրեր, ինչպիսիք են Paint-ը, Gimp-ը, Paintbrush-ը: Բայց կան նաև ավելի պարզ տարբերակներ, որոնք առցանց հասանելի են ցանկացած բրաուզերի միջոցով:
Imagator-ը պատկերների խմբագրման ծառայություններից է: Առանց գրանցման, վճարելու և այլ սահմանափակումների, նրա միջոցով կարելի է արագ սեղմել մեկ կամ մի քանի պատկերի՝ բեռնումն օպտիմալացնելու, կտրելու, պտտելու և չափսը փոխելու համար:
Աջ կողմում գտնվող վերին վահանակում կա մենյու երեք գործիքներով՝ սեղմում (Compressor), խմբագրում (Editor) և չափսի փոփոխում (Resize): Կա նաև անցում դեպի գիշերային թեմա: Ցանկալի բաժինն ընտրելուց հետո անհրաժեշտ է վերբեռնել լուսանկարը JPEG կամ PNG ֆորմատով։ Թույլտվության սահմանափակումներ չկան:
Ֆայլը սեղմելու համար սկզբնական պատկերից նշեք որակի մակարդակի տոկոսը: Հետո սեղմեք Compress կոճակը և մուտքագրեք անուն պատկերի նոր տարբերակի համար:
Editor բաժնում կարող եք պատկերը պտտել ժամացույցի սլաքի և հակառակ ուղղությամբ, շրջել այն հորիզոնական և ուղղահայաց, ինչպես նաև ընտրել պատկերի մի հատված և կտրել այն: Բոլոր գործողությունները շրջելի են, հնարավոր է նորից սկսել գործընթացը։ Գործողություններից հետո սեղմեք ներբեռնման ֆայլի կոճակը և մուտքագրեք համապատասխան անուն:
Ամենամեծ թվով կարգավորումները հասանելի են Resizer բաժնում: Այստեղ նշեք նոր պատկերի երկարությունը և լայնությունը պիքսելներով, ինչպես նաև սկզբնական որակի տոկոսը: Բացի այդ, կարող եք ընտրել նոր նկարի ձևաչափը՝ JPEG կամ PNG:
Պատկերի նախադիտման վերևում ցուցադրվում են ֆայլի բնօրինակը և վերջնական չափսերը, ինչպես նաև այն տոկոսը, որով պատկերը կնվազի:
