Մեքենաները ձևավորել է Mulliner թյունինգ-ստուդիան։

Bentley Beverly Hills ամերիկյան դիլերական ընկերության պատվերով ստեղծվել է Bentley Continental GTC Speed կաբրիոլետների հատուկ շարք։ Մոդելը նվիրված է 30-ականների Հոլիվուդի ոսկե դարաշրջանին և այդ ժամանակ տարածված Art Deco ոճին։ Ոգեշնչված անցյալ դարի մեքենաներով և կինոաստղեր Մերի Փիքֆորդի, Դուգլաս Ֆերբենքսի, Ուիլ Ռոջերսի, Ռուդոլֆ Վալենտինոյի և այլոց ոճով, Continental GTC Speed-ի նոր տարբերակը հիմնականում առանձնանում է իր հատուկ դեկորով:

Բոլոր սպորտային մեքենաները պաստելային գույներով են, որոնց երանգը համընկնում է 22 դյույմանոց 10-թևանի անիվների հետ՝ եզրագծի կոնտրաստային բաց շերտով: Սրահը ստացել է բաց փայտի երեսպատման դեկորատիվ ներդիրներ, որոնք համակցված են կրեմագույն կաշվով և նույն երանգի կարով։ Բայց յուրաքանչյուր տարբերակի կորպուսի և ինտերիերի դիզայնը տարբեր է:

Բաց կապույտ Jetstream II-ն ունի Imperial Blue ինտերիեր՝ զարդարված մուգ կապույտ կաշվով, մոխրականաչավուն երանգի կաբրիոլետ Sage Green-ն ունի Cumbrian Green կաշվե պաստառ, իսկ նուրբ վարդագույն թափքով Hollywood Blush երրորդ սպորտային մեքենայի ինտերիերը մուգ կարմիր Cricketball է:

Beverly Hills-ը չի ենթադրում տեխնիկական բարելավումներ. Bentley Continental GTC Speed-ը պահպանել է 6.0 լիտրանոց W12 շարժիչը, որը զարգացնում է 650 ձիաուժ հզորություն՝ զուգակցված 8-աստիճան ավտոմատ փոխանցման տուփով և լիաքարշակով: Հոլիվուդին նվիրված գծի մեքենաների թիվը սահմանափակ կլինի, բայց բրիտանական ավտոարտադրողն առայժմ չի նշում կաբրիոլետների քանակը և արժեքը։